ऐना हो म!

ऐना हो म! 
मेरो के दोष….?
हो म! ऐना !!
सफा गरी हेर्यौ भने 
छवि देखाउने मेरो काम।

म बाट देखीएको आफ्नै छविमा 
बिश्वास छैन भने 
मेरो के दोष? 
बरू, 
आफ्नौमा मनचाहे परिवर्तनको प्रयास गर।

जतापटी फर्कीएर हेर्छौ 
उतैको छाया म मा देख्छौ, 
दृष्टि भ्रमित हुन्छौ भने 
मेरो के दोष? 
बरू, पुन हेरी यथार्थको बोध गर।

म पनी कसैबाट निर्मित वस्तु, 
आफुलाई नसुल्झाई 
ममा रीस फेर्छौ भने 
मेरो के दोष? 
बरू, एकै छीन शान्त रही 
आफ्नो कमजोरी महसूस गर।